குலதெய்வ தோற்றம், வழிபாடு -3

68) நான்கு யுகங்களின் குணாதிசயங்களைக் கொண்ட பரந்த நிலமும் கடலும் வெளிப்படும் முன்னரே அவை இரண்டும் கண்களுக்கு தெரியாத சக்திக் கதிர்களுக்குள் செயலற்று இருந்துள்ளது என்றும் அதைத்தான் அந்த சக்தி பிரும்மா மூலம் வெளிக் கொண்டு வந்து ஆற்றல் கொடுத்தார் என்று ஆன்மீக குருமார்கள் நம்புகிறார்கள். விஞ்ஞானிகள் இந்த நம்பிக்கையை மறைமுகமாக ஆதரிக்கிறார்கள், அவர்கள் கூற்றின்படி ‘ஏதாவது ஒன்று ஏற்பட வேண்டும் எனில், அதை உருவாக்கத் தேவையான மூல பொருட்கள் சில வேண்டும் என்பதினால், பெரு வெடிப்பு (Big Bang’) என்பதை உருவாக்கிய பொருள் எங்கிருந்து வந்தது, மற்றும் அந்த பொருள் எப்படி எங்கிருந்து உருவாயிற்று’ என்கின்ற விஞ்ஞானிகளின் கேள்விக்கு (Ref: https://www.bbc.com/future/article/20220105-what-existed-before-the-big-bang) கண்களுக்கு புலப்படாமல் உள்ள சக்தியே காரணம் என ஆன்மீக ரீதியில் பதில் கூறுகின்றார்கள்.
69) பிரபஞ்சம் நான்கு யுகங்களாகப் பிரிக்கப்பட்டு இருந்திருந்த நிலையில், நான்காவது யுகத்தின் முடிவில் பிரளயத்தை ஏற்படுத்தி கண்களுக்கு தெரியாத அந்த சக்தியானாது, படைக்கப்பட்டு இருந்த அனைத்தையும் அழித்து விட்டு , மீண்டும் அனைத்தையும் உருவாக்குகின்றது. புராணங்களில் அந்த சக்தியை ஆண் சக்தி என்றும் பெண் சக்தி என்றும் கூறப்பட்டு இருந்தாலும், அடிப்படையில் முதலில் வெளிவந்ததாக கூறப்படும் பிரம்மா, விஷ்ணு மற்றும் ருத்ரனின் வெளிப்பாடு சர்ச்சைக்குரியதாக காணப்படவில்லை.
70) குல தெய்வ கருத்தை விவாதிக்கும்போது, பிரபஞ்சத்தின் படைப்பைப் குறித்து நாம் ஏன் விவாதிக்க வேண்டும் என்று ஒருவர் கேட்கலாம். படைப்பின் ஒரு பகுதியைப் படித்துப் புரிந்து கொள்ளாவிட்டால், மனிதர்கள் தோன்றுவதற்கு முன்பு தோன்றி இருந்த குல தெய்வம் உட்பட பல தெய்வங்கள் வெளிப்பட தேவையான காரணங்கள் விளங்காமல் போய்விடும் .
71) இவை அனைத்தும் எடுத்துக் காட்டுவது என்ன எனில் கண்களுக்கு தெரியாத அந்த சக்தியானாது வெளிப்படுத்திய பூமியில் இருந்து கடல் தோன்றி, பிரும்மா படைத்த அசையும், அசையா மற்றும் பிற விலங்கினங்கள் முதல்  ஆண் மற்றும் பெண் இனங்கள் என அனைவரும் வாழத் தேவையான நிலமாக மாறவும், மேலும் நிலம் விரிவடையவும் எடுத்துக் கொண்ட காலம் 13.699 பில்லியன் வருடங்கள் ஆகும்.
72) அதனால்தான் அந்த 13.699 பில்லியன் வருட காலத்தை பல்வேறு தெய்வங்களை தன்னுள் சிருஷ்டி செய்து அவர்களை தெய்வ சில்பியான விஸ்வகர்மா மூலம் வடிவமைக்க பரபிரும்மன் பயன்படுத்திக் கொண்டார் என்பதாக பண்டிதர்கள் கூறுகின்றார்கள். தெய்வ சில்பியான விஸ்வகர்மா வடிவமைத்த செய்தியை பின்னர் கூறுகின்றேன்.
73) நிலமும், கடலும் வெளிப்படுத்தப்பட்ட பல பில்லியன் ஆண்டுகளுக்குப் பிறகே அதில் மனிதர்களால் வாழ இயலும் என்பதை உணர்ந்து இருந்த கண்களுக்கு தெரியாத சக்தி, அவற்றை அதற்கேற்றவாறு வடிவமைத்தார். இதனால்தான் அகண்டம் வெளிப்படுத்தப்பட்ட பின்னர் உடனேயே குல தெய்வம் உட்பட எந்த தெய்வங்களும் வெளிப்படவில்லை, மனிதர்களே இல்லாத பூமியில் அவர்கள் எதற்காக முதலிலேயே சென்று இருக்க வேண்டும் என்ற எண்ணத்தில்தான் கண்களுக்கு தெரியாத சக்தி தெய்வங்களை படைக்கவில்லை. ஆகவே பூமி தோன்றி வளர்ச்சி அடைந்த மில்லியன் கணக்கான ஆண்டுகள் பிறகே தெய்வங்கள் வெளியாயின.
74) நிலமும் கடலும் தோன்றிய உடனேயே தெய்வங்கள் வெளிப்படுத்தப்படாமல் இருந்ததிற்கு இன்னொரு காரணமும் இருந்தது. தோன்ற உள்ள தெய்வங்களின் உருவங்களை வடிவமைக்க கண்களுக்கு தெரியாத சக்திக்கு பெருமளவிலான காலம் தேவையாக இருந்தது. மேலும் முதல் மூன்று பிரதான தெய்வங்கள் மூலம் மட்டுமே பிற தெய்வங்கள் அனைத்தையும் வெளிப்படுத்த கண்களுக்கு தெரியாத சக்தி திட்டமிட்டு இருந்தார்.
75) முதலில் வெளி வந்த மூன்று ஆண் சக்திகள் பிரம்மா, விஷ்ணு மற்றும் ருத்ரரின் வடிவங்களை எடுத்தவுடன், அவர்களை தொடர்ந்து வெளிவந்த மூன்று பெண் சக்திகளும் பார்வதி, சரஸ்வதி மற்றும் மகாலட்சுமி என்ற பெயரில் உருவம் கொண்டன. பின்னர் முதலில் வெளி வந்த மூன்று ஆண் சக்திகளும், மூன்று பெண் சக்திகளும் சிவன் – பார்வதி, பிரம்மா-சரஸ்வதி மற்றும் விஷ்ணு-மகாலட்சுமி என ஒன்றிணைந்தன. பிரபஞ்சத்தைப் பாதுகாப்பதற்காக, கண்களுக்கு தெரியாத சக்தியானது பல்வேறு காலங்களில் அந்த மூன்று ஜோடி தெய்வங்கள் மூலம் பல சக்திகளை வெளிப்படுத்தினார்; அவை பல வடிவங்களை எடுத்து பரந்த பூமியில் சென்று தோற்றங்களை தராத துவங்கியதும் அவை தெய்வங்கள் என்று அழைக்கப்படலாயின.
76) இப்படியாக முதலில் தோன்றிய மூன்று தெய்வீக ஜோடிகளும் தங்கள் சக்திகளிலிருந்து பல தெய்வங்களை வெளிப்படுத்தினார்கள். அப்படி தோன்றிய தெய்வங்கள் அவரவர் சக்திகளில் இருந்து பல்வேறு தெய்வீக சக்திகளை வெளியிடத் தொடங்கினார்கள். அப்படி வெளி வந்த தெய்வங்கள் துணை தெய்வங்கள், ஊர் காவல் தெய்வங்கள், கிராம தெய்வங்கள் என்ற பல பெயர்களில் அழைக்கப்பட்டன. பிரபஞ்சம் வெளிப்படுத்தப்பட்ட எத்தனை ஆண்டுகளுக்குப் பிறகு, அவை அனைத்தும் நடந்தன என்பதே கேள்வியாகும்.
77) முதலில் தோன்றிய தெய்வங்கள் எவை, அவர்கள் வெளிப்படுத்திய தெய்வங்கள் எவை என்பதைக் குறித்த  மூன்று விதமான கருத்துக்கள் உள்ளன. அவை பின்வருமாறு.
(a) சைவ மதத்தினரின் கூற்றுப்படி முதலில் சிவபெருமான் வெளிப்பட அவரிடம் இருந்தே பிற தெய்வங்கள் வெளியாயினர்
(b) வைஷ்ணவ மதத்தினரின் கூற்றுப்படி முதலில் விஷ்ணு பகவான் வெளிப்பட அவரிடம் இருந்தே பிற தெய்வங்கள் வெளியாயினர் (Ref: யதுர் வேத நாராயண சூக்தம் மற்றும் நாராயண உபநிஷத்)
(c) மூன்றாவது கூற்றின்படி பரபிரும்மன் வெளிப்படுத்திய முட்டையில் இருந்து பிரும்மா வெளிப்பட அவரிடம் இருந்துதான் பிற தெய்வங்கள் தோன்றினார்கள்.
(d) நான்காம் கருத்து அதாவது சக்தியே பிரதானம் எனும் கூற்றை ஏற்றுக் கொண்டுள்ளவர்கள், முதலில் வெளி வந்தது சக்தி எனும் பெண் தெய்வமே என்றும் அவளுடைய மனதில் இருந்து பிரும்மா, விஷ்ணு மற்றும் சிவபெருமான் எனும் பெரும் துறவி வெளியானார்கள் என்கின்றார்கள் (Ref: ஸ்ரீமத் பாகவத புராணம் மற்றும் தந்திர சாஸ்திர புத்தகங்கள் ).
78) எது எப்படியோ பரபிரும்மனின் ஒரு பக்கத்தில் இருந்து சிவன், விஷ்ணு மற்றும் பிரும்மா எனும் மூன்று ஆண் தெய்வங்களும் மறுபக்கத்தில் இருந்து பார்வதி, லஷ்மி மற்றும் சரஸ்வதி எனும் மூன்று பெண் தெய்வங்களும் வெளியானார்கள் என்ற உண்மையை யாரும் மறுக்கவில்லை.
79) தான் படைத்த ஆன்மாக்களை பூமிக்கு அனுப்புவதற்கு முன் கண்களுக்கு தெரியாத சக்தியானது பின்வரும் வகையிலான தெய்வங்களை உருவாக்கினார்.
(a) முதலில் நேரடியாகத் தோன்றிய பிரும்மா, விஷ்ணு மற்றும் ருத்திரன் எனும் பிரதான மூன்று ஆண் தெய்வங்கள். அவர்களை தொடந்து வெளியான பார்வதி, லட்சுமி மட்டும் சரஸ்வதி எனும் மூன்று பெண் தெய்வங்கள். இதில் கூறப்படும் இன்னொரு கருத்து என்ன என்றால் விஷ்ணுவின் சக்தியில் இருந்தே பிரும்மா வெளி வந்தார் மற்றும் சரஸ்வதியும், லக்ஷ்மியும் பார்வதியின் சக்தியில் இருந்து வெளி வந்தார்கள் என்பதாகும்.
(b) இரண்டாம் நிலை தெய்வங்கள் என்பவர்கள்  பிரதான தெய்வங்களான சிவன், விஷ்ணு மற்றும் பார்வதியின் சக்தியில் இருந்து வெளியான   தெய்வங்கள். அவர்களில் சிலர் குலதெய்வமாகவும், வேறு சிலர் இஷ்ட தெய்வங்களாகவும் மாறினர். ஆனால் பிரும்மா, சரஸ்வதி மற்றும் மஹாலக்ஷ்மி எந்த தெய்வங்களையும் தமது சக்திகளில் இருந்து வெளியிடவில்லை.
(c) மூன்றாம் நிலை தெய்வங்கள் வெளிப்படுத்திய கிராம தேவதைகள் மற்றும் பல்வேறு தன்மைக் கொண்ட துணை தெய்வங்கள். அவர்கள் யுத்தங்களில் பங்கேற்க வெளிப்படுத்தப் பட்டார்கள்.
(d) நான்காம் நிலை தெய்வங்களான கிராம தேவதை, ஊர் காவல் தெய்வம், நல்ல ஆவிகள், நல்ல பேய் மற்றும் நல்ல பிசாசுகள். அவர்கள் இரண்டாம் நிலை தெய்வங்கள் மூலம் வெளியானார்கள்.
(e) ஐந்தாவது பிரிவில் தந்திர சாஸ்திரங்களில் பயன்படுத்தப்படும் யோகினிகள், மோகினிகள் போன்றவர்கள் ஆவர். இவர்களும் இரண்டாம் நிலை தெய்வங்கள் மூலம் வெளியானார்கள்.

80) குல தெய்வங்கள் உட்பட துணை தெய்வங்களை, கிராம தேவதைகளை முதலில் தோன்றிய நான்கு தெய்வங்களான சிவன், விஷ்ணு மற்றும் பார்வதி தேவி மட்டுமே வெளிப்படுத்தினார்கள்? பிரதான மூன்று தெய்வங்களின் பணி  ஒரு தயாரிப்பு நிறுவனத்துடன் ஒப்பிடத்தக்கவை. அதாவது ஒரு தொழிற்சாலையில் செய்யப்படும் பொருட்கள் ஒரு குழுவால் தயாரிக்கப்பட்டு, இன்னொரு குழுவினரால் சோதனை செய்யப்பட்டு, நல்லவை மற்றும் சிறு பிழைகள் உள்ளவற்றை  சரி செய்து அனுப்ப வேண்டியவை என பிரித்து மற்றொரு குழுவிற்கு அவற்றை அனுப்பப்படுகின்றன. மூன்றாவது குழுவோ  தம்மிடம் வந்தவற்றை மறு உருவாக்கம் செய்ய முயலும் அல்லது சரி செய்ய முடியாது என்பவற்றை அழித்து மீண்டும் மூலப் பொருள் தயாரிக்க அனுப்பி விடும். இப்படியாகவே ஒரு பொருள் உற்பத்தி ஆகும் தொழிற்சாலையின் செயல்பாடு ஒரு வண்டிச் சக்கரம் போல சுழன்று கொண்டே உள்ளது. ஒரு தொழிற்சாலையில் உற்பத்தி ஆகும் பொருளை, நல்லவை, சிறிது சரி செய்யப்பட வேண்டியவை, மேலும் உபயோகத்திற்கு உகந்தது அல்ல என்பதாக பிரித்து எடுத்து உபயோகத்திற்கு உகந்தது அல்ல என்பவற்றை அழித்து விடும் நிலைக்கு ஒப்பானது ஆகும். இப்படியாகவே உற்பத்தி செயல் முறை சுழற்சி தொடர்ந்து நகர்கிறது. அதேபோலவேதான் பிறப்பு, காத்தல் மற்றும் அழித்தல் என்ற பணிகளும் சுழற்சி முறையில் செல்கின்றது.

   …….அடுத்த பகுதி 81ஆம் எண்ணில் இருந்து தொடர்கின்றது
…………கட்டுரையின் அடிப்படை ஆதாரங்களுக்கான சில செய்திகளின் விவரம் கடைசி பாகத்தில் தனியே தரப்பட்டு உள்ளது